اشترك في: 30 يونيو 2009 06:46 مشاركات: 302 مكان: ... in the middle of no where ... الاختصاص: طب أسنان الجنس: " أنثى "
السلام عليكم كيفكم يا دكاترة وكيف الصيفية معكم اليوم قريت موضوع بمنتدى صديق فإجا ببالي أطرح عليكم الفكرة ,,, وهي كالتالي : كل يوم بيمر من عمرنا بيكون فيه موقف مميز , أو كلمة مميزة , أو حدث مضحك , أو مناسبة مفرحة يمكن ماحدا فينا بيتذكر أنو يكتب هاد الموقف على سبيل الذكرى , بتمنى من كل أعضائنا أنو نتشارك كلنا كأسرة وحدة بالمواقف اللي بتصير معنا كل يوم واللي ممكن أنو نتشارك فيها واذا قدرنا نفوت كل يوم ونكتب الموقف المميز اللي مر علينا خلال هذا النهار وشكرا للكل
_________________
غيغو
22 يوليو 2010 19:32
عضو متألق
اشترك في: 30 يونيو 2009 06:46 مشاركات: 302 مكان: ... in the middle of no where ... الاختصاص: طب أسنان الجنس: " أنثى "
رح بلش أنا اليوم بدورة الانجليزي بالمعهد الأستاذ عطانا علامات آخر مذاكرة , وأنا راحتلي علامة لأني محيت الجواب الصح وكتبت جواب غلط نقلتو من رفيقتي , قمت رحت لعندا وعاتبتها (بصوت عالي) انو ليش نقلتيني غلط , والأستاذ سمع هالسمعة وكأنو حدا قلو انو في سطو مسلح على بيتكون بهاللحظة , وبلش يعطي مواعظ وقرر انو يروحلي 3 علامات عقابا على النقل , هاد غير العلامة اللي راحت رح طق ,, ياريتني ما نقلت
_________________
البدر الخجول
22 يوليو 2010 21:12
{(مشـــرفة)}
اشترك في: 01 فبراير 2009 15:53 مشاركات: 1719 مكان: متربعة في عرش السماء الليلي الاختصاص: طب أسنان الجنس: " أنثى "
هههه فظيعة غيغو عالموقف بس بتستاهلي اليوم ما صار معي شي مميز الا انو ضليت بعز الشمس الحمرا عم امشي بشوارع دمشق لمدة 4 ساعات متواصلة موقف فظيع بهالجو البديع مشكورة غيغو حلوة الفكرة
_________________
Ghaith kassem
22 يوليو 2010 23:22
عضو متميز
اشترك في: 27 أكتوبر 2008 09:24 مشاركات: 2077 مكان: بين السطور الاختصاص: بطريقي إلى التالتة بإذن الله الجنس: " ذكر "
حلو هالموضوع في موقف بيصير معي كل يوم لما إرجع عالبيت باخود مفتاح البرندة الي بتكون مقفولة لما ما يكون في حدا بالبيت و بدي إنزل على غرفتي على اعتبار بيتنا أرضي بحمل المفتاح لما وصل عالباب بكل ذكاء بمسك إيد الباب و بفتحا و بدخل بالباب و بنسى إنو الباب مقفول و المفتاح بإيدي حتى لما حاول إتذكر و قول لازم اتذكر قبل ما وصل للباب بشوي بسهى و بنسى و برضو بفوت بالباب المقفول لهلأ عم اتمنى اتذكر
_________________
غيغو
25 يوليو 2010 21:05
عضو متألق
اشترك في: 30 يونيو 2009 06:46 مشاركات: 302 مكان: ... in the middle of no where ... الاختصاص: طب أسنان الجنس: " أنثى "
أما اليوم صار معي موقف ... مسخرة قال انا اليوم طالعة بالسرفيس متل أي طالبة مكافحة , ولسوء الحظ اني طلعت بآخر مقغد بالسرفيس وبالزاوية , المهم وقت بدي أنزل ملكان في غير 4 ركاب وانا الخامسة واذا بدي انزل لازم استناهون كلون لينزلو , المهم انو كل الركاب نزلو بآخر موقف والشوفير المحترم مستعجل وما انتبه انو انا عم انزل قام مشي وأنا عم أنزل ............. قام شو صار ؟؟ وقعت طب على وشي وانشق البنطلون وتمزق القميص والعالم كلها تجمعت علي وعلى قولة صرلك شي يا أختي ؟ ناخدك عالمشفى ؟
والشوفير أبو أخلاق عالية ما كأنو عامل شي ضل ماشي
بهدب سلامي لكل شوفيرة البلد والله يرزقون نعمة البصيرة
بالنسبة لكونك سالتي عن الصيفية0000000000000000 فبدون مجاملة00ف00مروحة اما المواقف فما في اكتر منا يعني انا من فترة صار معي متلك بس زيادة انو وقع الموبايل وراااااح والاهم كان الفلم المصري اللي كان بالبيت0000000000يعني بتعرفي0يلا تنذكر ما تنعاد
_________________
Ab Bra2
31 يوليو 2010 01:29
عضو متألق
اشترك في: 13 يوليو 2010 20:19 مشاركات: 247 الاختصاص: سنة 3 الجنس: " ذكر "
أكتر موقف بتزكرو بحياتي لما كان المدير و أمي عم يصرخو في بنص الباحة بالعاشر و الطلاب كلن بالباحة عم يطلعو في و أنا واقف متل المحكوم بالاعدام ساعة تنفيذ الحكم و أنا عرفان أنو هي آخر أيامي بالمدرسة الله يسامح يلي كان السبب و يلا بسيطة غيغو بدك تتعودي عالمكاري و الشوفيرية و إذا كان هالشي بواسيكي أنا كمان صايرة معي و كانت رح تروح عيني وقتا لولا لطف الله
_________________
Ghaith kassem
31 يوليو 2010 01:33
عضو متميز
اشترك في: 27 أكتوبر 2008 09:24 مشاركات: 2077 مكان: بين السطور الاختصاص: بطريقي إلى التالتة بإذن الله الجنس: " ذكر "
على قصة المكاري بزمانو قلي شوفير الباص إنو مو طالع بعد ما ركبت و قلي دقيقة لنزلك و قبل ما يوقف كنت ناطط لأنو ضل الشوفير ماشي بسرعة خفيفة كان راسي فوق و صارو رجليي بدالو من كتر ما كان الموقف بيضحك ضحكت على حالي و الشباب الي كانو بالباص كلون ضحكو و وقفو صارو يسفقولي بس كنت صغير وقتا و أول رجعتي على سوريا و ما بعرف قوانين المكاري
_________________
Ab Bra2
31 يوليو 2010 01:59
عضو متألق
اشترك في: 13 يوليو 2010 20:19 مشاركات: 247 الاختصاص: سنة 3 الجنس: " ذكر "
Welcom to Syria
_________________
walaa
31 يوليو 2010 03:11
عضو متألق
اشترك في: 02 أكتوبر 2009 20:19 مشاركات: 240 مكان: دمشق الاختصاص: طب أسنان الجنس: " أنثى "
اليوم كنت بالمزرعة وبعد قضاء يوم جميل وبعد ما سبحت لفترة طويلة وطلعت من المسبح وبعد الغدا والحلو وووووووووو
تشاطرت ورحت أتمشى ووين يا حزركم؟؟؟؟؟؟ على حفة المسبح واذ بتزحط رجلي ووين بصير؟؟؟؟؟؟بنص المسبح
وأهلي فرطووووا من الضحك وأنا رح نتف حالي شوي تانية
الله لايورجيكم انتزع نهاري
_________________
Oustaz Aboud
31 يوليو 2010 03:52
عضو متميز
اشترك في: 04 فبراير 2009 02:13 مشاركات: 2383 مكان: بالقلب أكيد . الاختصاص: طب أسنان III الجنس: " ذكر "
طب لإلكون شو الموقف اللي بيصير معي دائمن وما كنت اتعلم كل ما بطلع من البيت تمشاية او رياضة او ما شابه واحيانا بتسحب معي ساعتين برجع عمحل سندويش وبشتري2 للعشا قمة الذكاء
المستخدمون المتصفحون لهذا المنتدى: لا يوجد أعضاء مسجلين متصلين و 3 زائر/زوار
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
مرحبآ بالضيف ( 
تسجيل الدخول 
الأسئلة المتكررة
بحث
.gif "؟")
.gif "sado")
.gif "crimg")
.gif "هههه")
هههه
, المهم انو كل الركاب نزلو بآخر موقف والشوفير المحترم مستعجل وما انتبه انو انا عم انزل قام مشي وأنا عم أنزل ............. قام شو صار 
.gif "hHyHy")
بس زيادة انو وقع الموبايل وراااااح .gif "sad")
